故意传播艾滋病有法律政策规定吗？ئەيدىز ۋىرۇسىنى قەستەن تارقاتقانلارغا قانۇندا قانداق بەلگىلىمە بار؟
地区：
鄯善县来源：
本站原创发布者：
高翔时间：
2023-10-17 21:07:26点击：
ئەيدىز ۋىرۇسىنى قەستەن تارقاتقانلارغا قانۇندا قانداق بەلگىلىمە بار؟
ئەيدىز ۋىرۇسى بىلەن يۇقۇملانغۇچىلار ۋە ئەيدىز كېسەللىرى ئەيدىز ۋىرۇسى بىلەن يۇقۇملانغانلىقىدىن خەۋەر تاپقاندىن كېيىن، جىنسىي ھەمراھى ياكى جورىسىغا تەشەببۇسكارلىق بىلەن ئۇقتۇرۇپ قويۇشى كېرەك. ئەگەر باشقىلار بىلەن داۋاملىق يۈز بەرگەن قوغدىنىش بولمىغان جىنىسي قىلمىش بولسا قەستەن تارقىتىش بولىدۇ. «ئەيدىزنىڭ ئالدىنى ئېلىش-داۋالاش نىزامى» نىڭ 38 - ماددىسىدا مۇنداق بەلگىلەنگەن:ئەيدىز ۋىرۇسى بىلەن يۇقۇملانغۇچىلار ۋە ئەيدىز كېسەللىرى يۇقۇملىنىش ياكى كېسەل بولۇش پاكىتىنى جىنسىي مۇناسىۋىتى بارلارغا ۋاقتىدا ئۇقتۇرۇپ، زۆرۈر مۇداپىئە تەدبىرى قوللىنىپ، باشقىلارنى يۇقۇملاندۇرۇشنىڭ ئالدىنى ئېلىشى كېرەك؛ ئەيدىز ۋىرۇسىنى ھەر قانداق ئۇسۇل بىلەن قەستەن تارقىتىشقا بولمايدۇ . 62 - ماددىسىدا:ئەيدىز ۋىرۇسى بىلەن يۇقۇملانغۇچىلار ياكى ئەيدىز كېسەللىرىدىن ئەيدىزنى قەستەن تارقاتقانلىرى قانۇن بويىچە ھەق تەلەپ تۆلەم جاۋابكارلىقىنى ئۈستىگە ئالىدۇ؛ جىنايەت شەكىللەندۈرگەنلىرى قانۇن بويىچە جىنايى جاۋابكارلىققا تارتىلىدۇ. ئالىي خەلق سوت مەھكىمىسى، ئالىي خەلق تەپتىش مەھكىمىسى، ج خ مىنىستىرلىقى ۋە ئەدلىيە مىنىستىرلىقى تارقاتقان «ئەيدىز ۋىرۇسى تارقىتىش قاتارلىق قانۇنغا خىلاپ جىنايى قىلمىشلارغا قاتتىق زەربە بېرىش توغرىسىدىكى يېتەكچى پىكىر» گە ئاساسەن، قانۇن بويىچە قاتتىق زەربە بېرىپ، ئۆزىنىڭ ئەيدىز ۋىرۇسى بىلەن يۇقۇملانغانلىقىنى ياكى ئەيدىز كېسىلى بارلىقىنى بىلىپ تۇرۇپ ئىپپەت - نومۇسىنى ساتقان، پاھىشىۋازلىق قىلغان ياكى قەستەن ئالدىنى ئېلىش تەدبىرى قوللانماي باشقىلار بىلەن جىنسىي مۇناسىۋەت ئۆتكۈزۈپ، باشقىلارنى ئەيدىز ۋىرۇسى بىلەن يۇقۇملاندۇرغانلارغا قاتتىق زەربە بېرىش كېرەك
«جىنايى ئىشلار قانۇنى» نىڭ 234-ماددىسىنىڭ 2-تارمىقىدىكى بەلگىلىمىگە ئاساسەن، قەستەن زەخىملەندۈرۈش جىنايىتى بويىچە جىنايەت بېكىتىلىدۇ. باشقىلارنىڭ ئەيدىز ۋىرۇسى بىلەن يۇقۇملانغانلىقىنى بىلىپ تۇرۇپ ياكى ئەيدىز كېسىلى بارلىقىنى بىلىپ تۇرۇپ ئەھۋالنى يوشۇرۇپ، باشقىلار بىلەن جىنسىي مۇناسىۋەت ئۆتكۈزۈشكە تونۇشتۇرۇپ، باشقىلارنى ئەيدىز ۋىرۇسى بىلەن يۇقۇملاندۇرغانلار قەستەن زەخىملەندۈرۈش جىنايىتى بىلەن بىر تەرەپ قىلىنىدۇ؛ باشقىلارنى ئەيدىز ۋىرۇسىدىن يۇقۇملاندۇرمىغانلار «جىنايى ئىشلار قانۇنى» نىڭ 360 - ماددىسىدىكى بەلگىلىمىگە ئاساسەن، جىنسىي كېسەل تارقىتىش جىنايىتى بويىچە جىنايەت بېكىتىپ ئېغىرلىتىپ جازالىنىدۇ. باشقىلارنىڭ ئەيدىز ۋىرۇسى بىلەن يۇقۇملانغانلىقىنى ياكى ئەيدىز كېسىلى بارلىقىنى بىلىپ تۇرۇپ، ئۇلارنى ئىپپەت-نومۇسىنى سېتىشقا تونۇشتۇرۇش بىلەن بىر ۋاقىتتا، ئىپپەت-نومۇسىنى سېتىش جىنايىتى، قەستەن زەخىملەندۈرۈش جىنايىتى شەكىللەندۈرگەنلەرگە ئېغىرراق جازا بېرىش توغرىسىدىكى بەلگىلىمە بويىچە ئېغىرلىتىپ جازالىنىدۇ. ھازىر نۇرغۇن رايونلاردا ئەيدىز كېسىلىنى قەستەن تارقاتقانلارنى قانۇن بويىچە جازالايدىغان دېلو مىساللىرى بار
ئەگەر خەتەرلىك جىنسىي قىلمىش يۈز بەرسە ئاكىتىپلىق بىلەن شۇ جايدىكى كىسەللىكلەرنىڭ ئالدىنى ئېلىش ئورۇنلىرىغا بىرىپ مەسلىھەت سوراش ياكى ئۆزى تەكشۈرگىلى بولىدىغان سىناق قەغىزى ئېلىپ تەكشۈرۈپ بېقىش كىرەك، ئەگەر تەكشۈرۈش نەتجىسى بىنورمال چىقسا چوقۇم ۋاقىتدا بەلگىلەنگەن ئورۇنغا بىرىپ تەكشۈرتۈپ تىببىي خادىملارنىڭ مەسلىھەتى بويىچە داۋالىتىش كېرەك
ئەگەر ئۆزىڭىزنىڭ ئەيدىز كېسىلى بىلەن يۇقۇملانغانلىقىڭىزنى بايقىسىڭىز، چوقۇم ۋاقتىدا جورىڭىز ۋە ھەمراھىڭىزغا ئېيتىڭ، قارشى تەرەپ سىزنى ئەپۇ قىلسۇن ياكى قىلمىسۇن، ھېچ بولمىغاندا بىر «توغرا ئىش» قىلىڭ، سىز بىلەن بىللە ياشاۋاتقان ھەمراھىڭىزنى ياخشى قەدىرلەڭ
【责任编辑：于心何忍 】
本文仅代表作者个人观点，与新疆男孩网无关。其原创性以及文中陈述文字和内容未经本站证实，对本文以及其中全部或者部分内容、文字的真实性、完整性、及时性本站不作任何保证或承诺，请读者仅作参考，并请自行核实相关内容。本站转载仅限于非商业性信息传递之用，如无特别声明，本站转载之各种内容之版权均属其著作权人所有。如果我们的转载行为侵犯了您的正当权益，请联系我们，我们将在最短的时间内删除，并致以歉意。
新疆艾滋病检测：13999198395|感染者互助QQ群：5480101|
