感染了HIV无可救药吗？ئەيدىزدىن يۇقۇملانغانلارنى قۇتقۇزۋالغىلى بولمامدۇ؟
地区：
沙雅县来源：
本站原创发布者：
高翔时间：
2024-03-17 22:47:40点击：
ئەيدىزدىن يۇقۇملانغانلارنى قۇتقۇزۋالغىلى بولمامدۇ؟
بالدۇر بايقاپ، بالدۇر داۋالىغاندا ۋىرۇسنى ئۈنۈملۈك كونترول قىلىپ، ھاياتنى ئۇزارتقىلى بولىدۇ. دۇنيا سەھىيە تەشكىلاتى ۋە جۇڭگو ئەيدىز كېسەللىكىگە دىياگنوز قويۇش ۋە داۋالاش كۆرسەتمىسىدە مۇنداق تەكلىپ بېرىلگەن:يۇقۇملانغان دەپ دىياگنوز قويۇلغان ھامان، مەيلى س د 4 لىمفا ھۈجەيرىسى سەۋىيەسىنىڭ يۇقىرى - تۆۋەن بولۇشىدىن قەتئىينەزەر، دەرھال ۋىرۇسنىڭ تەتۈر كۆچۈرۈلۈشىگە قارشى بىرلەشمە داۋالاشنى باشلاش كېرەك. بۇنىڭ تۆۋەندىكىدەك پايدىسى بار
بىرىنچىدىن، دورىغا بولغان چىدامچانلىقنى ئازايتقىلى بولىدۇ. كىلىنىكىلىق تەتقىقاتلاردىن مەلۇم بولۇشىچە، بالدۇر داۋالاش مۇقەررەر ھالدا دورىغا چىدامچانلىقنى كەلتۈرۈپ چىقارمايلا قالماستىن، بەلكى دورىغا بولغان چىدامچانلىقنىڭ پەيدا بولۇش نىسبىتى كېيىن داۋالانغان بىمارلارنىڭكىدىن كىچىك بولىدىكەن. دورىغا چىدامچانلىقنىڭ پەيدا بولۇشى ئاساسلىقى دوختۇرنىڭ كۆرسەتمىسى بويىچە دورا ئىچىش - ئىچمەسلىككە باغلىق، ئوخشاش بىر داۋالاش لايىھەسى، بېقىنىشچانلىقى ياخشى بىمارلار ئون نەچچە يىل يېسىمۇ دورىغا چىدامچانلىق پەيدا بولمايدۇ، بېقىنىشچانلىقى ياخشى بولمىغان بىمارلار بىر يىل يېسىلا دورىغا چىدامچانلىق پەيدا بولۇشى مۇمكىن
ئىككىنچىدىن، دورىنىڭ ناچار تەسىرىنى تۆۋەنلىتىدۇ. دورىنىڭ ناچار تەسىرىنىڭ ئېغىر يېنىكلىكى ئادەمگە قاراپ پەرقلىق بولىدۇ، تەتقىقاتلاردىن مەلۇم بولۇشىچە، س د 4 ھۈجەيرىنىڭ سەۋىيەسى بىر قەدەر يۇقىرى بولغاندا داۋالاشنى باشلىسا، دورا ئېلىپ كەلگەن ناچار تەسىرنى ئازايتىشقا ياردىمى بولىدىكەن
ئۈچىنچىدىن.ئىممۇنىتېتنى قايتا قۇرۇشقا پايدىلىق. ۋىرۇسقا قارشى داۋالاشنى قېلىپلاشتۇرغاندىن كېيىن، كېسەللىك يۈكى تۆۋەنلەپ، س د 4 ھۈجەيرىنىڭ سانى كۆپىيىپ، ئىممۇنىتېت ئىقتىدارى تەدرىجىي ئەسلىگە كىلىدۇ
تۆتىنچى، ئەگەشمە كېسەللىكلەرنى ۋە پۇرسەتلىك يۇقۇملىنىشنى ئازايتقىلى بولىدۇ. بالدۇر داۋالىغاندا س د 4 ھۈجەيرە سانىنى بەلگىلىك سەۋىيەدە ساقلاپ، پۇرسەتلىك يۇقۇملىنىشنىڭ خەۋپ خەتىرىنىڭ ئۈنۈملۈك ئالدىنى ئالغىلى بولىدۇ، شۇنىڭ بىلەن بىر ۋاقىتتا، بۆرەك ئىقتىدارى نورمالسىز بولۇش، سۆڭەك شالاڭلىشىش، يۈرەك مۇسكۇل تىقىلمىسى، راك قاتارلىق ئەگەشمە كېسەللىكلەرنىڭ يۈز بېرىش خەۋپىنى ئازايتقىلى بولىدۇ
بەشىنچى، ئىقتىسادى يۈكىنى يەڭگىللەتكىلى بولىدۇ. نۆۋەتتە، دۆلەت ۋىرۇسقا قارشى دورىلار بىلەن ھەقسىز تەمىنلەيدۇ، ئەگەر داۋالاش كېچىكتۈرۈلسە، ئاسانلا پۇرسەت خاراكتېرلىك يۇقۇملىنىش يۈز بېرىدۇ، شەخس يۇقىرى سوممىلىق تەكشۈرۈش ۋە داۋالاش خىراجىتى سەرپ قىلىشىقا توغرا كىلىدۇ
بالدۇر بايقاش، بالدۇر داۋالاش ئىنتايىن ئىلغار، ئۈنۈملۈك ئۇسۇل، قانچە بالدۇر داۋالانسا كېسەللىك يۈكىنى شۇنچە بالدۇر كونترول قىلغىلى، ئىممۇنىتېتنى قانچە بالدۇر قايتا قۇرسا، بەدەن شۇنچە ساغلام بولىدۇ. يۇقۇملانغۇچىلارنىڭ بالدۇرراق جەمئىيەتكە قايتشىغا ياردەم بېرىپ، ئەمگەك كۈچىدىن مەھرۇم قالىدىغان ھەتتا تۇرمۇش ئىقتىدارىدىن مەھرۇم قالىدىغان ئوڭايسىز ئەھۋالغا چۈشۈپ قېلىشىدىن ساقلانغىلى بولىدۇ. 2011 - يىلى ئامېرىكىدىكى بىر تەتقىقات كوللېكتىپى يەنە يۇقۇملانغۇچىلارنى دەسلەپكى قەدەمدە داۋالىغاندا يۇقۇمچانلىقىنى %97 تۆۋەنلەتكىلى بولىدىغانلىقىنى بايقىغان
【责任编辑：于心何忍 】
本文仅代表作者个人观点，与新疆男孩网无关。其原创性以及文中陈述文字和内容未经本站证实，对本文以及其中全部或者部分内容、文字的真实性、完整性、及时性本站不作任何保证或承诺，请读者仅作参考，并请自行核实相关内容。本站转载仅限于非商业性信息传递之用，如无特别声明，本站转载之各种内容之版权均属其著作权人所有。如果我们的转载行为侵犯了您的正当权益，请联系我们，我们将在最短的时间内删除，并致以歉意。
新疆艾滋病检测：13999198395|感染者互助QQ群：5480101|
