HIV感染者必须小心猴痘ئەيدىز بىلەن يۇقۇملانغۇچىلار مايمۇن چېچىكىدىن چوقۇم ئېھتىيات قىلىشى كېرەك

بۇ يىل يەنى 2023-يىلى 6-ئاينىڭ 6-كۈنى كەچتە بېيجىڭ كىسەللىكلەرنىڭ ئالدىنى ئېلىش ۋە كونتىېرول قىلىش مەركىزىنىڭ تەمىنلىگەن ئۇچۇرىغا ئاساسلانغاندا، يېقىندا بىيجىڭ شەھەرلىك داۋالاش ئورۇنلىرى مايمۇن چىچىكى كېسىلىدىن يۇقۇملانغان 2 بىمارنى دوكلات قىلغان، بۇنىڭ بىرسى چىگرا سىرتىدىن ۋىرۇس يۇقتۇرۇپ كىرگەن بىمار، يەنە بىرسى چىگرا سىرتىدىن ۋىرۇس يۇقتۇرۇپ كىرگەن بىمارغا مۇناسىۋەتلىك كىسەل، ئىككى كىسەل قويۇق ئۇچىرىشىش ئارقىلىق يۇقۇملانغان
ئىگەللىشىمىزچە ،جىنىسي مۇناسىۋەت بولسا مايمۇن چىچىكىنىڭ تارقىلىش يوللىرىنىڭ بىرى، مايمۇن چىچىكى گەرچە ئەيدىز بىلەن يۇقۇملانغۇچىلارغا خاس كىسەل بولمىسىمۇ، لىكىن ئەيدىز بىلەن يۇقۇملانغۇچىلارنىڭ ئىممۇنىت كۈچىنىڭ تۆۋەن بولۇش سەۋەبىدىن، چوقۇم ھوشيارلىقنى ئاشۇرۇشى شۇنداقلا ۋىرۇسقا قارشى دورىلارنى ۋاقتىدا ئىستېمال قىلىپ بەدىنىڭ ئىممۇنىت سەۋىيسىنى ياخشى ساقلىشى لازىم
مايمۇن چىچىكى بولسا مايمۇن چىچىكى ۋىرۇسى كەلتۈرۈپ چىقارغان بىر خىل كىسەللىك، بۇ بىر خىل ۋىرۇس خاراكتىرنى ئالغان ، ئادەم ۋە ھايۋانلار ئورتاق گىرىپتار بولىدىغان يۇقۇملۇق كىسەللىك بولۇپ، ئۇ ئاۋۋال ھايۋانلاردىن ئادەملەرگە تارقالغان، ئۇ يەنە ئادەم بىلەن ئادەم ئارىسىدا تارقىلىدۇ، شۇنداقلا يەنە مۇھىتتىن ئادەملەرگە تارقىلىدۇ، ۋىرۇستىن ئەڭ باشتا يۇقۇملانغان ھايۋانلار ۋە يۇقۇملانغان بىمارلار مايمۇن چىچىكىنىڭ يۇقۇش مەنبەسى بولۇپ، ۋىرۇس شىللىق پەردە ۋە بۇزۇلغان تىرە ئارقىلىق ئادەم بەدىنىگە كىرىدۇ، ئادەم بىلەن ئادەم ئاساسلىقى قويۇق ئۇچىرىشىش ئارقىلىق تارقىلىدۇ، مەسلەن سۆيۈشۈش، قۇچاقلىشىش ياكى جىنىسي مۇناسىۋەت ئۆتكۈزۈش قاتارلىقلار

جىنسىي مۇناسىۋەت پەقەت مايمۇن چېچىكىنىڭ تارقىلىش ئۇسۇللىرىنىڭ بىرى. ئىلگىرى مايمۇن چېچىكىنىڭ ئەۋج ئىلىپ كىتىشىدە يۇقۇملانغان ھايۋانات ۋە ھايۋانات مەھسۇلاتلىرى بىلەن بىۋاسىتە ئۇچرىشىش بىلەن مۇناسىۋەتلىك بولۇپ، ئادەم بىلەن ئادەم ئوتتۇرىسىدىكى تارقىلىش چەكلىك ئىدى. نۆۋەتتە مايمۇن چېچىكىنىڭ ئەۋج ئىلىپ كىتىشىدە مايمۇن چېچىكى ۋىرۇسى ئاساسلىقى قويۇق بولغان ئۇچرىشىش ئارقىلىق تارقىلىۋاتىدۇ. بۇ بەلكىم جىنسىي مۇناسىۋەت مەزگىلىدە يۈز بەرگەن  تېرە بىلەن ئۇچرىشىش ، سۈركىلىش يۇقۇملىنىش خاراكتېرلىك كېسەللىك ئۆزگىرىشى ياكى نەپەس يولى ئاجرالمىلىرىنى ئۆز ئىچىگە ئېلىشى مۇمكىن. ئەمما، مايمۇن چىچىكى بىلەن يۇقۇملانغۇچى بىلەن ھەر قانداق شەكىلدە  تىرە بىلەن تىرە سۈركەلگەندە ياكى  ئۇچراشقاندا ۋىرۇس تارقىلىدۇ. ئۇچرىشىش شەكلى پۈتۈنلەي قويۇق ئۇسۇلدا ئۇچىرىشىش ياكى جىنسىي مۇناسىۋەت ئارقىلىق بولۇشى ھاجەتسىز، بىر ئادەم يۇقۇملانغۇچىنىڭ تىرىسى بىلەن قايتا قايتا سۈركىلىپ ئۇچىرىشىش جەريانىدىمۇ يۇقۇشى مۇمكىن