- «ئەيمېييى»نى توغرا چۈشىنىپ، كەمسىتىش بولمىغان داۋالاش مۇھىتى يارىتايلى
- «ئەيمېييى»ئەيدىز، سىفلىس ۋە B تىپلىق جىگەر ياللۇغى قاتارلىق ئۈچ خىل يۇقۇملۇق كېسەللىكنىڭ قىسقارتىلمىسى. ئۇلار ھامىلدارلىق، تۇغۇت ياكى بالا ئېمىتىش جەريانىدا ئانىدىن بوۋاققا يۇقىدۇ، ھامىلدارلىق مەزگىلىدە تەكشۈرۈش، دىياگنوز قويۇش ۋە بالدۇر ئارىلىشىشقا توغرا كېلىدىغان ئاساسلىق يۇقۇملۇق كېسەللىك بولۇپ قالىدۇ. ئەيدىز ،سىفلىس ، B تىپلىق جىگەرۋىرۇسنىڭ ئانىدىن بالىغا يۇقۇشنى تۈگىتىش يېڭى تۇغۇلغان بوۋاقلار توپىنىڭ ساپاسىنى ئۆستۈرۈش، ئاياللار ۋە بالىلارنىڭ ساغلاملىقىنى ئىلگىرى سۈرۈشتە مۇھىم ئەھمىيەتكە ئىگە.
- بىرىنجى ، «ئەيمېييى» نىڭ ئانا-بالىغا يەتكۈزۈش يولى
- 01.بالىياتقۇ ئىچكى يۇقۇملىنىش
- ۋىرۇس بىلەن يۇقۇملانغان ھامىلدار ئاياللار ھامىلدارلىق مەزگىلىدە ھەر خىل يوللار ئارقىلىق ھامىلىگە ۋىرۇسنى يۇقتۇرالايدۇ.
- 0.2تۇغۇت جەريانىدا يۇقۇملىنىش
- تۇغۇت مەزگىلىدە، ھامىلىدە ۋىرۇس قاچىلانغان قان ۋە جىنسىي يول ئاجراتمىلىرى بىلەن يۇقۇملىنىدۇ.
- ئىككىنجى ،قانداق قىلىپ ئانىدىن بالىغا يۇقۇشنىڭ ئالدىنى ئېلىش ۋە ئازايتىش كېرەك؟
- ئانادىن بالىغا يۇقۇشنىڭ ئالدىنى ئېلىش ئەيدىز ۋىرۇسى، سىفلىس ۋە B تىپلىق جىگەر ياللۇغى بىلەن يۇقۇملىنىشنىڭ ئالدىنى ئېلىش ۋە داۋالاشتىكى ئاساسلىق ۋاسىتى.
- 01.ئەيدىز كېسىلى
- ئەيدىز ۋىرۇسى بىلەن يۇقۇملانغان ھامىلدار ئاياللار تېببىي يېتەكچىلىك ئاستىدا ۋىرۇسقا قارشى دورىلارنى داۋالاشنى قوبۇل قىلىپ، بىخەتەر تۇغۇتنى قوبۇل قىلالايدۇ ھەمدە مۇۋاپىق ئېمىتىش ئۇسۇلىنى قوللىنىپ، ئانىدىن بالىغا يۇقۇش نىسبىتىنى زور دەرىجىدە ئازايتقىلى بولىدۇ.
- 02.سىفلىس
- سىفلىس بىلەن يۇقۇملانغان ھامىلدار ئاياللار سىفلىس بىلەن يۇقۇملانغان ھامان ئۆلچەملىك داۋالاشنى بالدۇرراق قوبۇل قىلىشى ھەمدە قەرەللىك تەكشۈرۈشى كېرەك. تۇغۇلغاندا ئالدىنى ئېلىش داۋالاش سىفلىسنىڭ ئانىدىن بالىغا يۇقۇشىنى توسىدۇ.
- 03. B تىپلىق جىگەر ياللۇغى
- B تىپلىق جىگەر ياللۇغى (HBV) DNA ≥ 2×10⁵ IU/ml ياكى B تىپلىق جىگەر ياللۇغى ۋىرۇسى E ئانتىگېن مۇسبەت بولغان ھامىلدار ئاياللار ھامىلدارلىق مەزگىلىدە ۋىرۇسقا قارشى دورىلارنى يېيىشى كېرەك. B تىپلىق جىگەر ياللۇغى سىرتقى يۈزىدىكى ئانتىگېن مۇسبەت تۇغۇلغان بوۋاقلار 12 سائەت ئىچىدە B تىپلىق جىگەر ياللۇغى ئىممۇنىتېت گلوبۇلىن ۋە B تىپلىق جىگەر ياللۇغى ۋاكسىنىسىنى ئەملەيدۇ، بۇ نۆۋەتتە B تىپلىق جىگەر ياللۇغىنىڭ ئانىدىن بالىغا تارقىلىشىنىڭ ئالدىنى ئېلىشتىكى ئۈنۈملۈك ئۇسۇل.
- ئەيمېييى كېسىلىنىڭ ئانىدىن بالىغا يۇقۇشنى تۈگىتىش، كەمسىتىشكە بولمايدىغان داۋالاش مۇھىتى بەرپا قىلىپ، يۇقۇملانغۇچىلارنى قانۇنىي ھوقۇقنى قوغداش ئارقىلىق، ئانادىن بالىغا يۇقۇشنى ئۈنۈملۈك ئازايتىپ، ئاياللار ۋە بالىلارنىڭ قانۇنلۇق ھوقۇق مەنپەئىتىنى قوغدىغىلى بولىدۇ.
- ئۈچۈنجى ، كەمسىتىش قەيەردىن كېلىدۇ؟
- «ئەي، مېي، يى» تېببىي كەمسىتىشنى كۆرسىتىدۇ، داۋالاش ئورگانلىرى خادىملىرىنىڭ داۋالاش مۇلازىمىتى بىلەن تەمىنلەش جەريانىدا ھامىلدار ئاياللار ۋە بالىلارغا بىر تەرەپلىمە قاراش ۋە چەتكە قېقىش سەۋەبىدىن «ئەي، مېي، يى» ۋىرۇسى بىلەن يۇقۇملانغان بالىلارغا ئادىل بولمىغان مۇئامىلىنى كۆرسىتىدۇ. دائىملىق داۋالاش مۇلازىمىتىدە، داۋالاش ئورگانلىرىدا يۇقۇملانغۇچىلارنى كەمسىتىشنىڭ ئەڭ كۆپ ئۇچرايدىغان بىر قىسىم شەكىللىرى تۆۋەندىكىچە:
- 1.داۋالاش مۇلازىمىتى بىلەن تەمىنلەشنى رەت قىلىش
- 2.پەرقلىق مۇئامىيلە قىلىش .
- 3.بىلمەي تۇرۇپ ئەيدىز ۋىرۇسى ئانتىتېلاسىنى تەكشۈرۈش.
- 4.تەكشۈرۈش نەتىجىسىنى شەخسكە ئۇقتۇرۇشنى رەت قىلىش
- 5.ھەددىدىن زىيادە مۇداپىئە تەدبىرى قوللىنىش
- 6.تەكشۈرۈش ۋە داۋالاش جەريانىدا ئۇقتۇرۇش ۋە ئاقىلانە ماقۇللۇقى يېتەرلىك ئەمەس.
- 7.پراكتىكا مەزگىلىدە، يۇقۇملانغۇچىلارنىڭ مەخپىيەتلىكىگە ھۆرمەت قىلىنمىغان.
- 8.كېسەللىك تارىخىنى سۈرۈشتۈرۈش ۋە دوختۇر بىلەن بىمارنىڭ مەخپىيەتلىكنى قوغداش تەلىپى بويىچە ئالاقىلىشىشنى قانات يايدۇرماسلىق.
- 9.داۋالاش چەكلىمىسى، كارانتىن قىلىش، مەجبۇرىي تۇتۇپ تۇرۇش ياكى ئايرىۋېتىش.
- 10.يۇقۇملىنىش ئەھۋالى ۋە جىنسىي ھەمراھى ياكى ئۇرۇق-تۇغقانلىرىغا يۇقۇملىنىش ئەھۋالىنى مەجبۇرىي ئۇقتۇرۇش.
- تۆتىنجى ، كەمسىتىشنى نېمە كەلتۈرۈپ چىقىرىدۇ؟
- ئاساسلىقى جەمئىيەتتە مەۋجۇت بولغان چوڭقۇر يىلتىز تارتقان ۋەھىمە ۋە ئەندىشە ؛
- ئەيدىز ۋىرۇسىنىڭ تارقىلىشى توغرىسىدىكى ھەر خىل ئەپسانىلەر ۋە بىر تەرەپلىمە قاراشلارنى چۈشىنىشنىڭ يېتەرسىزلىكى؛
- ئەيدىز كېسىلىنى داۋالىغىلى بولمايدىغان ھەقىقەت؛
- كېسەل ، ئۆلۈمدىن قورقۇش قاتارلىقلار .
- بەشىنجى ، كەمسىتىش كەلتۈرۈپ چىقارغان زىيىنى قايسىلار؟
- 1.بەزى يۇقۇملانغان ھامىلدار ئاياللار ۋاقتىدا داۋالانمايدۇ
- 2.يۇقۇملىنىش ھامىلدار ئاياللارغا جىسمانىي ۋە روھىي جەھەتتىن زىيان يەتكۈزىدۇ
- 3.يۇقۇملانغان ھامىلدار ئاياللار رەت قىلىنىشتىن ئەنسىرەپ، يۇقۇملىنىش خەۋپىنى ئاشۇرۇۋېتىدۇ
- ئالتىنجى ، كەمسىتىش خاراكتېرلىك داۋالاش مۇھىتى بەرپا قىلىش
- يۇقۇملانغۇچىلارنىڭ ھوقۇقىنى قوغداش، دۆلەتنىڭ ئالاقىدار سىياسەتلىرىنىڭ ئەمەلىيلىشىشىنى پائال ئىلگىرى سۈرۈپ، يۇقۇملانغان ئاياللار ۋە ئۇلارنىڭ پەرزەنتلىرىنىڭ قانۇنلۇق ھوقۇق-مەنپەئىتىنى قوغداش ئۈچۈن، بىز تەنتەنىلىك تەكلىپنى ئوتتۇرىغا قويدۇق:
- ※ ئۆزىڭىزدىن باشلاپ، ئانادىن بالىغا يۇقۇشنىڭ ئالدىنى ئېلىش ئېڭى ۋە ئىقتىدارىنى ئۆستۈرۈش؛
- ※ ئاكتىپلىق بىلەن قاتنىشىش ۋە داۋالاش ئارقىلىق ئانا-بالىغا يۇقۇشنىڭ ئالدىنى ئېلىش؛
- ※ باشقىلارغا كۆڭۈل بۆلۈش ۋە ئانادىن بالىغا يۇقۇشنىڭ ئالدىنى ئالىدىغان مۇھىت ۋە كەيپىيات يارىتىش.
- 01
- كەمسىتىش خاراكتېرىدىن خالىي داۋالاش مۇھىتى بەرپا قىلىش
- «ئەيمېييى» ۋىرۇسى بىلەن يۇقۇملانغان ھامىلدار ئاياللار ۋە بالىلارنى داۋالاش مۇلازىمىتى بىلەن تەمىنلەشتە، بۇ ئاياللار ۋە بالىلارغا ئەلا سۈپەتلىك داۋالاش مۇلازىمىتى بىلەن تەمىنلەپ، پايدىلىق داۋالاش مۇھىتى يارىتىش كېرەك:
- «ئەيمېييى» ۋىرۇسى بىلەن يۇقۇملانغۇچىلارنىڭ داۋالاش مۇلازىمىتىنى رەت قىلىشقا ياكى ئۆزىنى قاچۇرۇشقا بولمايدۇ.
- ئادەتتىكى داۋالاش جەريانىدا بىمارنىڭ قېنى ياكى بەدەن سۇيۇقلۇقى بىلەن ئۇچراشمىغان داۋالاش جەريانىدا، بارلىق بىمارلارغا باراۋەر مۇئامىلە قىلىش كېرەك.
- «ئەيمېييى» ۋىرۇسى بىلەن يۇقۇملانغۇچىلارنىڭ كۆپىيىش تەدبىر بەلگىلەش ھوقۇقىغا ھۆرمەت قىلىش؛ سالامەتلىك ئالامەتلىرى بولمىسا ياكى تۇغۇتقا ماس كەلمىگەن بولسا، ھامىلدارلىقنى ئاخىرلاشتۇرۇش تەكلىپىنى بەرمەسلىك كېرەك.
- كېسەل كۆرسىتىش ئاخىرلاشقاندا يۇقۇملانغان ھامىلدار ئاياللار ۋە بالىلارنى قەستەن قويماسلىق كېرەك.
- 02
- مۇلازىمەت ھەرىكىتىنى قېلىپلاشتۇرۇپ، يۇقۇملانغۇچىلارنىڭ شەخسىي مەخپىيەتلىكىنى قوغداشنى تەكىتلەش كېرەك.
- «ئەيمېييى» ۋىرۇسى بىلەن يۇقۇملانغان ھامىلدار ئاياللار ۋە بالىلارنى داۋالاش مۇلازىمىتى بىلەن تەمىنلىگەندە، دوختۇرخانا تېببىي خادىملىرى بۇ دېلولارغا توغرا قاراپ، ئۇلارنىڭ قانۇنىي ھوقۇقىغا ھۆرمەت قىلىشى، شەخسىي مەخپىيەتلىكنى قوغداش، ئاقىلانە ماقۇللۇققا ئېرىشىشكە ئەھمىيەت بېرىشى ۋە كەمسىتىشتىن ساقلىنىشى كېرەك:
- نامۇۋاپىق ۋاقىت ياكى سورۇنلاردا نامۇۋاپىق ئۇسۇلدا كېسەللىك تارىخىنى سۈرۈشتۈرۈشكە بولمايدۇ.
- يۇقۇملانغۇچى ياكى ئۇنىڭ ھامىيلىرىنىڭ ماقۇللۇقىنى ئالماي تۇرۇپ، يۇقۇملانغۇچى ۋە ئۇنىڭ ئائىلە تاۋابىئاتلىرىنىڭ كونكرېت سالاھىيىتىنى ئاشكارىلاپ قويۇش ئېھتىماللىقى بولغان ئىسىم-فامىلىسى، ئادرېسى، خىزمەت ئورنى، رەسىمى، كېسەللىك تارىخى ياكى باشقا ئۇچۇرلارنى ئاشكارىلاشقا بولمايدۇ.
- يۇقۇملانغۇچىلارنىڭ جورىسى / جىنسىي ھەمراھىنى ئۇقتۇرۇش قىلىش جەھەتتە، يۇقۇملانغۇچىلارنىڭ ئارزۇسىغا ھۆرمەت قىلىپ، ئۇقتۇرۇش قىلىش ئۇسۇلى، ۋاقتى ۋە ئورنىنى تاللاڭ.
- بارلىق تەكشۈرۈش، داۋالاش، تەكشۈرۈش، ئوقۇتۇش پائالىيەتلىرى ۋە ئىلمىي تەتقىقات تۈرلىرى ئالدى بىلەن يۇقۇملانغۇچىلارنىڭ ماقۇللۇقىنى ئېلىشى كېرەك.
- «ئەيمېييى» ۋىرۇسى بىلەن يۇقۇملانغۇچىلارنىڭ ئىلگىرىكى ياكى ئۆزىنى مەلۇم قىلغان قىلمىشىغا باھا بەرمەسلىك، ئاممىۋى سورۇنلاردا يۇقىرى ئاۋازدا «ئەيمېييى» ۋىرۇسى بىلەن يۇقۇملانغۇچىلارنى ئەيىبلىمەسلىك ياكى ئايرىۋېتىش كېرەك.
- «ئەيمېي» بىمارلىرىنىڭ مەخپىيەتلىكىنى قوغداش بىلەن بىللە، ئۇلارغا يېتەرلىك بىلىم، سىياسەت، ساغلاملىق تەربىيىسى قاتارلىق مۇلازىمەتلەر بىلەن تەمىنلەپ، ئانادىن بالىغا يۇقۇشنىڭ سەلبىي تەرەپلىرىنى تۈگىتىش كېرەك.
- 03
- قاراتمىلىق تەربىيەلەش ئېلىپ بېرىپ، كەسىپ بىلەن ئۇچرىشىش خەۋپىنى ئازايتىش
- كەمسىتىشنى تۈگىتىش، يۇقۇملانغۇچىلارنىڭ ھوقۇقىنى قوغداش جەھەتتىكى قەرەللىك تەربىيەلەش، مۇلازىمەت ئىقتىدارىنى ئۈنۈملۈك ئۆستۈرۈش، پىسخىكىلىق جەھەتتىن قوللاش كېرەك.
- كەسىپ قوغداش ماھارىتىنى كۈچەيتىش، يېتەرلىك مۇداپىئە تەدبىرلىرىنى قوللىنىپ، تىببى خادىملارنىڭ كەسىپ بىلەن ئۇچرىشىش خەۋپىنى ئازايتىش كېرەك.
