ھەريىلى 1-دېكابىر كالېنداردىكى بەلگە بولۇپلا قالماستىن، پۈتۈن دۇنيادىكى ساغلاملىققا، ھاياتلىققا ئورتاق كۆڭۈل بۆلىدىغان مۇھىم پەيت. بىز «ئەي»نى مۇزاكىرە قىلدۇق، تېخىمۇ «سۆيگۈ»نى يەتكۈزۈش ئۈچۈن. بۇ مۇھەببەت ۋە قوغداشتىكى ئەڭ ئەمەلىي ھەرىكەتلەرنىڭ بىرى قارىماققا ئاددىي ئەمما ئالاھىدە ئەھمىيەتكە ئىگە سالامەتلىك تەكشۈرتۈشكە يوشۇرۇنغان
  نۇرغۇن كىشىلەر يەنىلا ئەيدىز بىلەن ئۆلۈمنىڭ تەڭ نۇمۇرغا ئېلىپ بېرىۋاتىدۇ. ئەمەلىيەتتە ھازىرقى داۋالاش سەۋىيىسىدە ئەيدىز كېسەللىكى ئالدىنى ئالغىلى بولىدىغان، كونترول قىلغىلى بولىدىغان سوزۇلما خارەكتىرلىك كېسەلگە ئايلاندى
· ئالدىنى ئالغىلى بولىدۇ: ئىلمىي ۋاستىلەر ( مەسىلەن بىخەتەرلىك قاپچۇقى ئىشلىتىش، ئاشكارىلىنىشتىن بۇرۇن/ كېيىنكى ئالدىنى ئېلىش قاتارلىقلار) ئارقىلىق تارقىلىشنى ئۈنۈملۈك توسقىلى بولىدۇ
· كونترول قىلغىلى بولىدۇ: دىئاگنوز قويۇلسا، يۇقىرى ئۈنۈملۈك ۋىروسقا قارشى داۋالاش ئارقىلىق، بىمارنىڭ بەدىنىدىكى ۋىروسنىڭ مىقدارى سىجىل " تەكشۈرۈلمەسلىك" سەۋىيىسىدە تۇرالايدۇ. بىمارمۇ ئادەتتىكى كىشىلەرگە ئوخشاش نورمال خىزمەت قىلىپ، تۇرمۇش كەچۈرەلەيدۇ، نورمال ئۆمرىگە ئىگە بولىدۇ
خاتا قاراشنى بۇزۇپ تاشلاش بىزنىڭ غەمخورلۇق ۋە چۈشىنىشنى باسقان تۇنجى قەدىمىمىز
  مەيلى ئالدىنى ئېلىش ياكى تۈزەش بولسۇن، ھەممىسى تەكشۈرۈشتىن ئايرىلالمايدۇ

1. ئادەتتىكى كىشىلەرگە نىسبەتەن: بىر قېتىملىق تەكشۈرۈش، خاتىرجەم بولۇش دىمەكتۇر

سىز بەلكىم ئۆزىڭىزنى ئەيدىزدىن بەك يىراق ھېس قىلىشىڭىز مۇمكىن، لېكىن خەتەر ئاڭسىزلىق ئىچىدە مەۋجۇت. ساغلاملىق تەكشۈرۈتۈش ئارقىلىق ئۆزىنىڭ سالامەتلىك ئەھۋالىنى ئىگىلەش بىخەتەرلىك ھەرىكىتىنى ئەمەلىيەتتىن ئۆتكۈزۈش، ساغلاملىق مەسئۇلىيىتىنى ئۈستىگە ئېلىشنىڭ باشلىنىشى

2. خەتەرلىك قىلمىشلارغا نىسبەتەن: بالدۇر بايقاش ئەڭ ياخشى داۋالاش

ئەگەر يېقىندا قوغداش خاراكتېرى بولمىغان قىلمىش، يىڭنە سايمانلىرى ئورتاق ئىشلىتىش قاتارلىق قىلمىشلار بولسا، تەشەببۇسكارلىق بىلەن تەكشۈرۈش تېخىمۇ مۇھىم
 
· ئالتۇن ۋاقىت 72 سائەتنى چىڭ تۇتۇش: خەتەر ئاشكارىلانغاندىن كېيىن، 72 سائەت ئىچىدە ئاشكارىلانغاندىن كېيىن دورا ئىشلىتىپ  ئالدىنى ئېلىپ، يۇقۇملىنىش خەتىرىنى زور دەرىجىدە تۆۋەنلىتىشكە بولىدۇ. بۇ چاغدا ۋاقىت دەل ساغلاملىق دىمەكتۇر
· داۋالاشنى باشلاشنىڭ ئاچقۇچى: يۇقۇملانسا، بالدۇر بايقالسا، بالدۇر داۋالاش ۋىروسنىڭ كۆپەيتىلىشىنى ئۈنۈملۈك تىزگىنلەپ، ئىممۇنىتېت سىستېمىسىنى قوغداپ، ئەيدىز مەزگىلىگە تەرەققىي قىلىشتىن ساقلىنىپ، " كونترول قىلغىلى بولىدىغان سوزۇلما خاراكتېرلىك كېسەل"نى باشقۇرۇش نىشانىنى ھەقىقىي ئىشقا ئاشۇرغىلى بولىدۇ. قانچە بالدۇر داۋالانغانسېرى، تۇرمۇش سۈپىتى شۇنچە يۇقىرى بولىدۇ
  ئەمدى ئىككىلەنمەڭ، ھەرىكەتكە كېلىڭ! ئەيدىز كېسىلىنى تەكشۈرۈشنى ساغلاملىق باشقۇرۇش تىزىملىكىگە كىرگۈزۈش ئىنتايىن ئاددىي

1. تەكشۈرۈش ئۇسۇلىنى تاللاش:

· ئادەتتىكى ساغلاملىق تەكشۈرۈتۈش قوشۇمچە تۈرى: ھازىر نۇرغۇن سالامەتلىك تەكشۈرۈش مەركەزلىرى، دوختۇرخانىلار ئەيدىز ئانتىتېلاسىنى تەكشۈرۈش مۇلازىمىتى بىلەن تەمىنلەيدۇ، سىز سالامەتلىك تەكشۈرتۈش يۈرۈشلۈك مۇلازىمىتىنى زاكاس قىلغاندا تەشەببۇسكارلىق بىلەن بۇ تۈرنى تاللىسىڭىز بولىدۇ
· يۇقۇملۇق كېسەللىكلەرنىڭ ئالدىنى ئېلىش ، كونترول قىلىش مەركىزى : جايلاردىكى يۇقۇملۇق كېسەللىكلەرنىڭ ئالدىنى ئېلىش ، كونترول قىلىش مەركىزى مەسلىھەت بېرىش ۋە تەكشۈرۈش مۇلازىمىتى بىلەن تەمىللەيدۇ

2. كۆزنەك مەزگىلىنى چۈشىنىش:

ئەيدىزدىن يۇقۇملانغاندىن تارتىپ بەدەندە مۇناسىۋەتلىك بەلگە ماددىلىرى (يادرو كىسلاتا) تەكشۈرۈپ چىقىشقا بىر مەزگىل كېتىدۇ، مانا بۇ "كۆزنەك مەزگىلى" . تەكشۈرۈش تېخنىكىسىنىڭ ئوخشىماسلىقىغا ئاساسەن، ئادەتتە 1-6ھەپتە ئەگەر كۆزنەك مەزگىلىدە تەكشۈرسەك، نەتىجىسى مەنپىي بولۇشى مۇمكىن، ئەمما بەدىنىدە ۋىروس بار. ئەگەر داۋاملىق خەتەرلىك قىلمىشلار بولسا، ئەڭ ئاخىرقى قېتىملىق خەتەرلىك قىلمىشدىن باشلاپ ئۈچ ئايدىن كېيىن ئاخىرقى قېتىم قايتا تەكشۈرۈش تەكلىپى بېرىلىدۇ

3. پوزىتسىيە تەييارلىقى:

تەكشۈرۈشتىن بۇرۇن جىددىيلىشىپ قالغاندەك ھېس قىلىش نورمال ئىش. ئېسىڭىزدە بولسۇن، نەتىجىسى قانداق بولۇشىدىن قەتئىينەزەر، تەشەببۇسكارلىق بىلەن يۈزلىنىش ئۆزىنى قاچۇرۇشتىنمۇ كۈچلۈك. مەنپىي بولسا ، بىز داۋاملىق ئىلمىي ئالدىنى ئېلىشىمىز، مۇسبەت بولسا، بىز ئاكتىپ داۋالايمىز
  بىر قېتىملىق ئومۇميۈزلۈك سالامەتلىك تەكشۈرتۈشتە ئەيدىز كېسىلىنى تاللاپ تەكشۈرۈپلا قالماي يەنە سىزگە "ساغلاملىقنىڭ پۈتۈن مەنزىرىسى خەرىتىسى" سىزىپ بېرەلەيدۇ. ئىممۇنىتېت كۈچىگە مۇناسىۋەتلىك نۇرغۇن كۆرسەتكۈچلەر، مەسىلەن قان ، جىگەر، بۆرەك ئىقتىدارى قاتارلىقلار ئەيدىز بىلەن يۇقۇملانغۇچىلارغا نىسبەتەن ئۇزاق مۇددەت كۆزىتىشنىڭ مۇھىم نۇقتىسى. ئۆزىگە كۆيۈنۈش ئۆزىنىڭ بەدەن سىگنالىنى چۈشىنىشتىن باشلاش كېرەك 
  دۇنيا ئەيدىز كۈنىنىڭ باش تېمىسى «ئىجتىمائىي كۈچلەرنى مۇجەسسەملەپ، بىرلىكتە ئەيدىزگە ئورتاق تاقابىل تۇرۇش» باش تېما قىلىندى. بۇ كۈچ دۆلەت قاتلىمىدىكى ئالدىنى ئېلىش، كونترول قىلىش سىستېمىسىدىن كەلگەن، پەن تەتقىقات خادىملىرىنىڭ بوشاشماي تىرىشچانلىقىدىن شۇنداقلا ھەر بىر ئاددىي ئادەمنىڭ ئاڭلىق ھەرىكىتىدىن كەلگەن
بىر قېتىملىق تەشەببۇسكارلىق بىلەن تەكشۈرۈش، ئۆزىگە مەسئۇل بولغان ئەڭ يۇقىرى دەرىجىلىك رومانتىكلىق بىر مەنپىي دوكلات، كىشىلىك ھايات يولىدىكى ئەڭ خاتىرجەم سوۋغا، مۇسبەت نەتىجە ھەرگىزمۇ ئاخىرقى نۇقتا ئەمەس بەلكى ساغلاملىقنى ئىلمىي باشقۇرۇشنىڭ يېڭى باشلىنىش نۇقتىسى
سىمۋوللۇق ئەھمىيەتكە تولغان بۇ كۈندە بىز بىر تەرەپلىمە قاراشنى ئىلمىي تارقاقلاشتۇرۇپ، ۋەھىمەنىڭ ئورنىغا ھەرىكەت قوللىنايلى. ئەندىشىنى قويۇپ قويۇڭ، بىر قېتىملىق ئەيدىز تەكشۈرۈشنى ئۆز ئىچىگە ئالغان سالامەتلىك تەكشۈرتۈشنى ئالدىن كېلىشىپ قويۇڭ! بۇ ئۆزىگە، ئائىلىسىدىكىلەرگە، جەمئىيەتكە بولغان ئەڭ ئەمەلىي مۇھەببەت ۋەدىسى