پەننى ئومۇملاشتۇرۇش: ئەيدىزنى قانداق بايقىغىلى بولىدۇ - ئەيدىزنى تەكشۈرۈش
نۇرغۇن كىشىلەر ئەيدىزنى تەكشۈرۈشتىن ئەندىشە قىلىدۇ: ئوڭايسىزلىنىپ قېلىشتىن، ئاشكارىلىنىپ كېتىشتىن، نەتىجىسىنىڭ ياخشى بولماسلىقىدىن، ھەتتا قەيەرگە بېرىپ ئۆلچەشتىن ئەنسىرەيدۇ. بۈگۈن تەھرىر سىزگە ئەيدىز كېسىلىنى تەكشۈرۈش توغرىسىدىكى ئىشلارنى چۈشەندۈرۈپ قويدۇ
ئەيدىز كېسىلى دېگەن نېمە
ئەيدىز كېسىلى ئىنسانلارنىڭ ئەيدىز ۋىرۇسىدىن يۇقۇملىنىشى كەلتۈرۈپ چىقارغان ئىممۇنىتېت ئىقتىدارى ئېغىر زىيانغا ئۇچرايدىغان يۇقۇملۇق كېسەل بولۇپ، تۇغما ئىممۇنىتېت كەمتۈكلۈكىگە ئوخشىمايدىغان يېرى، ئۇ ئەيدىز ۋىرۇسىدىن يۇقۇملانغانلىقتىن بولغان، شۇڭا ئېرىشىش خارەكتىلىك ئىممۇنىتېت كەمتۈكلۈك سىندرومى دەپ ئاتىلىدۇ. ئۇنىڭدا تارقىلىش يوللىرى جىنسىي ئۇچرىشىش ئارقىلىق ، قان ئارقىلىق ۋە ئانىدىن بالىغا تارقىلىشنى ئۆز ئىچىگە ئالىدۇ، ئەيدىز يۇقۇمدارلىرى بىلەن ياكى بىمار بىلەن بىرلىكتە كۈندىلىك تۇرمۇش ۋە خىزمەت ئۇچراشقاندا يۇقۇملانمايدۇ
ئەيدىز دېگەن نېمە
ئەيدىز (ئىنسانلارنىڭ ئىممۇنىتېت كەمتۈكلۈك ۋىرۇسى) ئىممۇنىتېت سىستېمىسىغا ھۇجۇم قىلىدىغان «يوشۇرۇن قاتىل» ئادەم بەدىنىدىكى س د 4 + ت لىمفا ھۈجەيرىسىگە مەخسۇس بۇزغۇنچىلىق قىلىپ، ئىممۇنىتېت سىستېمىسىنىڭ تەدرىجىي ۋەيران بولۇشىنى كەلتۈرۈپ چىقىرىپ ئاخىرىدا ئەيدىزنى پەيدا قىلىدۇ. ئادەم بەدىنىدە ئەيدىز ۋىرۇسىنىڭ يادرو كىسلاتاسى، ئانتىگىنى ياكى ئۇنىڭ ئالاھىدە ئانتىتېلاسى ئەيدىز ۋىرۇسى بىلەن يۇقۇملانغان-يۇقمىغانلىقىغا ھۆكۈم قىلغىلى بولىدۇ
قايسى ئادەملەر تەكشۈرۈشكە مۇھتاج
خەتەرلىك قىلمىشلار بولۇپ باققانلار (قوغداش خارەكتىرى بولمىغان جىنسىي قىلمىش ، كۆپ جىنىسلىق ، ئوخشاش جىنىسلىق/ يات جىنىسلىق جىنسىي مۇناسىۋەت يۇزبەرگەنلەر،جىنسىي ھەمراھى كۆپ كىشىلەر )
ئەيدىز كېسىلى بىلەن يۇقۇملانغۇچىلارنىڭ جۆرىسى ياكى جىنسىي ھەمراھى
باشقىلار بىلەن ئورتاق يىڭنە سايمانلىرى بىلەن زەھەر چەككۈچى
ھامىلدارلىققا تەييارلىق قىلىش/ تويدىن بۇرۇنقى تەكشۈرۈش
سىفلىس، ئۆتكۈر ھۆل فاكوخېرۇس قاتارلىق باشقا جىنسىي كېسەللەر بىلەن يۇقۇملانغانلار
ئەيدىز كېسىلى بىلەن يۇقۇملانغان ئانىلار تۇغقان بوۋاق
كەسىپ ئاشكارىلىنىشى، تاسادىپىي گۇمانلىق سۇيۇقلۇق بىلەن ئۇچرىشىش قاتارلىقلار
قاچان تەكشۈرۈش ئېلىپ بارىمىز
كۆزنەك مەزگىلىگە دىققەت قىلىش
ئەيدىزدىن يۇقۇملانغاندىن كېيىن ھازىرلا تەكشۈرۈپ چىققىلى بولمايدۇ، تەكشۈرۈپ چىقىلىدىغان «كۆزنەك مەزگىلى» يەنى ۋىرۇسنىڭ ئادەم بەدىنىگە كىرىپ تەكشۈرۈپ چىققىلى بولىدىغان ۋاقىت. كۆزنەك مەزگىلىدە تەكشۈرۈپ چىققىلى بولماسلىقى مۇمكىن، لېكىن يەنىلا يۇقۇملىنىش خاراكتېرى بار. يادرو كىسلاتاسىنى تەكشۈرۈش كۆزنەك مەزگىلى تەخمىنەن 1-2 ھەپتە، تۆتىنچى ئەۋلاد ئانتىگېنت ئانتىتېلاسىنى بىرلەشتۈرۈپ تەكشۈرۈش كۆزنەك مەزگىلى تەخمىنەن 2-4 ھەپتە. تەكلىپ: خەتەرلىك قىلمىش بولغاندىن كېيىنكى تۆت ھەپتىنىڭ بېشىدا تاللاپ، 12 ھەپتىدە قايتا تەكشۈرۈلىدۇ، ئەگەر نەتىجىسى مەنپى بولسا ئاساسىي جەھەتتىن نەزەردىن ساقىت قىلساق بولىدۇ
نەگە بېرىپ تەكشۈرتىمىز
شۇ جايدىكى يۇقۇملۇق كېسەللىكلەرنىڭ ئالدىنى ئېلىش ، كونترول قىلىش مەركىزى تەكشۈرۈش ئامبولاتورى
ھەر دەرىجىلىك ھۆكۈمەت قارىمىقىدىكى داۋالاش ئاپپاراتلىرى، دوختۇرخانا، مەھەللە سەھىيە مۇلازىمەت مەركىزى، ئانا-بالىلار ساقلىقنى ساقلاش ئورنى قاتارلىقلار
ئەيدىز كېسىلىنىڭ ئالدىنى ئېلىش
جنسىي ھەركەتتە بىخەتەرلىك قاپچۇقى قوللىنىش، مەسىلەن سۈپىتى ئىشەنچلىك بىخەتەرلىك قېپىنى توغرا ئىشلىتىش كېرەك
زەھەر چەكمەسلەك ، باشقىلار بىلەن شىپرىسنى ئورتاق ئىشلەتمەسلىك كېرەك
ئىمكانقەدەر قان سېلىشتىن ساقلىنىش، چوقۇم ئىشلەتكەندە ئىشلەتكەن قاننىڭ ئەيدىز كېسىلىگە ئالاقىدار تەكشۈرۈشكە كاپالەتلىك قىلىش كېرەك
باشقىلار بىلەن ساقال ئالغۇچ، چىش چوتكىسىنى ئورتاق ئىشلەتمەسلىك
يىڭنە، تىغ، شپىرىس قاتارلىق تېرىگە تىغلىق تېشىلىدىغان ئەسۋابلارنى ئىشلەتكەندە، بۇ ئەسۋابلارنى دېزىنفېكسىيە قىلىشتا چىڭ تۇرۇشى، تىببى خادىملار داۋالاش مەشغۇلاتىدا ئۆزىنى زەخمىلەندۈرۈشتىن ساقلىنىشى كېرەك
جىنسىي كېسەللىكلەرنى ئاكتىپ، قائىدىلىك داۋالاش ، ئوخشاشلا باشقا جىنسىي كېسەلگە گىرىپتار بولغاندا، ئەيدىز كېسىلىنى تەكشۈرۈشنىمۇ ئويلىشىش كېرەك
