1-مارت دۇنيا ئەيدىز كېسىلىنى كەمسىتىشنى تۈگۈتۈش كۈنى| ئىلم – پەن ئارقىلىق بىر تەرەپلىمە قاراشنى يوقىتىپ ،مىېھىر- مۇھەببەت ئارقىلىق ئىززەت-ئابروينى ساقلايلى

 
ھەر يىلى 3-ئاينىڭ 1-كۈنى دۇنيا ئەيدىز كېسىلىنى كەمسىتىشنى تۇگۇتۇش كۈنى بولۇپ، ب د ت ئەيدىز پىلان مەھكىمىسى تەشەببۇس قىلىپ تەسىس قىلغان بولۇپ، ئەيدىز ۋىرۇسى بىلەن يۇقۇملانغۇچىلارغا بولغان بارلىق كەمسىتىش ۋە بىر تەرەپلىمە قاراشلارنى يوقىتىپ، ھەر بىر ھاياتلىقنىڭ باراۋەرلىكى ۋە ئىززەت-ئابرويىنى قوغداپ، غەمخورلۇقنى سوغۇق مۇئامىلىنىڭ ئورنىنى ئىلىپ، ئىلم – پەن ئاقىلىق قورقۇنچنى تارقاقلاشتۇرۇشنى مەقسەت قىلغان
 
بىر تەرەپلىمە قاراش ئەيدىز كېسەللىكىنىڭ ئالدىنى ئېلىش يولىدىكى ئەڭ چوڭ توسالغۇ، كەمسىتىش ۋىرۇستىنمۇ بەك  باشقىلارغا زىيان يەتكۈزىدۇ. نۇرغۇن كىشىلەر ئەيدىز كېسىلىگە بولغان تونۇشىنىڭ ئاجىز بولۇش سەۋەبىدىن، يۇقۇملانغۇچىلاردىن ئۆزىنى قاچۇرۇپ، خالىغانچە بەلگە قىلىپ، ئۇلارنى كېسەل ئازابىغا تاقابىل تۇرۇش بىلەن بىرگە، جەمئىيەتنىڭ يالغۇزلۇقى ۋە زىيىنىغا بەرداشلىق بېرىشىگە مەجبۇر قىلدى. كەمسىتىشنى تۇگۇتۇش بۇبىر شۇئار ئەمەس، بۇ بولسا ھەر بىر ھاياتلىققا بولغان ھۆرمەت قىلىش، ھەر بىر ساغلاملىقنىڭ ھوقۇقىنى قوغداشتىكى ئەمەلىي ھەرىكەت
 
ئىلمىي تونۇش كەمسىتىشنى بۇزۇپ تاشلاشنىڭ بىرىنچى قەدىمى. ئەيدىز كېسىلى پەقەت قان، جىنسىي ئۇچرىشىش، ئانىلار بىلەن بوۋاقتىن ئىبارەت ئۈچ خىل يول ئارقىلىق تارقىلىدۇ، كۈندىلىك تۇرمۇشتا قول ئېلىشىپ كۆرۈشۈش، قۇچاقلاش، بىرلىكتە غىزالىنىش، ئىشخانا بۇيۇملىرىنى ئورتاق ئىشلىتىش، پاشا چېقىشتىن ئىبارەت ئۈچ خىل يول بىلەن يۇقۇملانمايدۇ. مىدىتسىنانىڭ ئىلگىرىلىشىگە ئەگىشىپ، ئەيدىز كېسىلى ئۇزاق مۇددەت كونترول قىلغىلى بولىدىغان سوزۇلما خارەكتىرلىك كېسەلگە ئايلاندى، داۋالاش نەتىجىسىدە، يۇقۇملانغۇچىلارنىڭ ۋىرۇس مىقدارىنى تەكشۈرگىلى بولمايدىغان سەۋىيەگە چۈشۈپ، نورمال ئىشلەپ، تۇرمۇش كەچۈرەلەيدىغان، ئادەتتىكى كىشىلەرگە ئوخشاش ئۆمرىگە ئىگە بولىدۇ
 
كەمسىتمەسلىك، ھەربىر كىچىككىنە ياخشى نىيەتكە يوشۇرۇنغان: يۇقۇملانغۇچىلارنىڭ مەخپىيەتلىكىنى خالىغانچە سۈرۈشتۈرمەسلىك، يالغان پىتنە-ئىغۋا تارقاتماسلىق ئەتراپىمىزدىكى ھەر بىر ئادەمگە باراۋەر مۇئامىلە قىلىش، چەتكە قاقماسلىق،ئايرىپ مۇئامىلە قىلماسلىق ئەيدىزنىڭ ئالدىنى ئېلىش بىلىملىرىنى تەشەببۇسكارلىق بىلەن ئۆگىنىپ، ئائىلىسىدىكىلەر، دوستلىرىغا ھەقىقىي ئەھۋالنى ئومۇملاشتۇرۇش يۇقۇملانغۇچىلارنىڭ داۋالىنىش، ئىشقا ئورۇنلىشىش، تەربىيەلىنىش ھوقۇقىغا ھۆرمەت قىلىپ، كەڭ قورساقلىق بىلەن ئىللىق كۆۋرۈك ياساش كېرەك
 
يۇقۇملانغۇچىلارغا نىسبەتەن ئەڭ ئېھتىياجلىق بولغىنى ھېسداشلىق ئەمەس بەلكى كەمسىتىلمەسلىك ،  ئەڭ ئارزۇ قىلىدىغىنى ئالاھىدە مۇئامىلە ئەمەس بەلكى جەمئىيەتكە سىڭىپ كىرگەن باراۋەرلىك. ھەر قېتىملىق چۈشىنىش بىر تەرەپلىمە قاراشقا تاقابىل تۇرۇشتىكى كۈچ ، ھەر بىر كەڭ قورساقلىق ھاياتلىق ئۈچۈن ئۈمىد يورۇتىدۇ